തിരുവനന്തപുരം : കേരള കള്‍ച്ചറല്‍ ഫോറത്തിന്റെ പ്രതിമാസ പരിപാടിയുടെ ഭാഗമായി നന്മ (നാഷണല്‍ അസോസിയേഷന്‍ ഓഫ് മലയാളം ആര്‍ട്ടിസ്റ്റ്‌സ്) തിരുവനന്തപുരം സിറ്റി വെസ്റ്റ് മേഖലയുടെ ആഭിമുഖ്യത്തില്‍ പ്രതിഭാ സംഗമം സംഘടിപ്പിച്ചു. സത്യന്‍ സ്മാരകത്തില്‍ നടന്ന ചടങ്ങ് നിയമസഭ ഡെപ്യൂട്ടി സ്പീക്കര്‍ വി.ശശി ഉദ്ഘാടനം ചെയ്തു. കള്‍ച്ചറല്‍ ഫോറം ജനറല്‍ സെക്രട്ടറി പി. വിജയന്‍ അധ്യക്ഷനായിരുന്നു. പനച്ചമൂട് ഷാജഹാന്‍, അജിത് വി.എസ്, ഗിരീശന്‍ ചാക്ക, എസ്.ബിന്‍യാമിന്‍, പ്രേമകുമാരി, അനീഷ് ജെ, കരിനാട്, വിമല്‍ സ്റ്റീഫന്‍ എന്നിവരും ചടങ്ങില്‍ ആദരിച്ചു. ഡോ.ബി.വേണുഗോപാലന്‍ നായര്‍, അനില്‍ കെ.നമ്പ്യാര്‍ എന്നിവര്‍ക്ക് സ്‌നേഹോപഹാരം സമ്മാനിച്ചു. ചലച്ചിത്ര സംവിധായകന്‍ രാജസേനനന്‍, ഡോ.പി.ഷാനവാസ്, ഡോ.ഗീതാ ഷാനവാസ്, നന്മ വെസ്‌ററ് മേഖല പ്രസിഡന്റ് കെ.എസ്.ദാസ്, റഹിം പനവൂര്‍, തെക്കന്‍ സ്റ്റാര്‍ ബാദുഷ, ഗോപന്‍ ശാസ്തമംഗലം തുടങ്ങിയവര്‍ സംസാരിച്ചു. ഡെപ്യൂട്ടി സ്പീക്കര്‍, രാജസേനന്‍, ഡോ.പി.ഷാനവാസ് എന്നിവരെ ചടങ്ങില്‍ പൊന്നാട ചാര്‍ത്തി ആദരിച്ചു. നന്മയിലെ അംഗങ്ങള്‍ അവതരിപ്പിച്ച കലാവിരുന്നും ഉണ്ടായിരുന്നു.