തുരുവനന്തപുരം: നിത്യഹരിത കള്‍ച്ചറല്‍ ആന്‍ഡ് ചാരിറ്റബിള്‍ സൊസൈറ്റിയുടെ വെബ്‌സൈറ്റ് സിപിഐ ദേശീയ സെക്രട്ടേറിയേറ്റ് അംഗം പന്ന്യന്‍ രവീന്ദ്രന്‍ പ്രകാശനം ചെയ്തു. തിരുവനന്തപുരം നന്ദാവനം മുസ്ലീം അസോസിയേഷന്‍ ഹാളില്‍ നടന്ന ചടങ്ങില്‍ സൊസൈറ്റി രക്ഷാധികാരി വഞ്ചിയൂര്‍ പ്രവീണ്‍കുമാര്‍ അധ്യക്ഷനായിരുന്നു. ഗായകനും സംഗീത സംവിധായകനുമായ പന്തളം ബാലന്‍, സൊസൈറ്റി പ്രസിഡന്റ് റഹിം പനവൂര്‍, സെക്രട്ടറി ശുഭ കെ.പി., ജോയിന്റ് സെക്രട്ടറി ഷീബ ടി.എസ്, റിയാസ് ഹക്കീം, ഡോ.ഗീതാ ഷാനവാസ്, ചന്ദ്രന്‍ രാമന്തളി, ഗോപന്‍ ശാസ്തമംഗലം തുടങ്ങിയവര്‍ സംസാരിച്ചു.