തിരുവനന്തപുരം:കുടപ്പനക്കുന്ന് മൃഗസംരക്ഷണ പരിശീലന കേന്ദ്രത്തിലും, ചെങ്ങന്നൂര്‍ സെന്‍ട്രല്‍ ഹാച്ചറിയിലും നടത്തുന്ന അഞ്ച് മാസത്തെ ചിക്ക് സെക്‌സിംഗ് & ഹാച്ചറി മാനേജ്‌മെന്റ് പരിശീലനത്തിന് അപേക്ഷ ക്ഷണിച്ചു. അപേക്ഷകര്‍ ജനുവരി ഒന്ന് 2017 ന് 25 വയസ് കവിയാത്തവരും, എസ്.എസ്.എല്‍.സി പാസായവരും, കൈവിരലുകള്‍ക്ക് അംഗവൈകല്യം ഇല്ലാത്തവരും, കണ്ണട ഉപയോഗിക്കാതെ നല്ല കാഴ്ച ശക്തിയുളളവരും ആയിരിക്കണം. അപേക്ഷിക്കേണ്ട അവസാന തീയതി മെയ് 31. അപേക്ഷാ ഫോറത്തിന്റെ മാതൃകയും വിവരണവും www.ahd.kerala.gov.in ല്‍ നിന്നും ലഭിക്കും. ബന്ധപ്പെടേണ്ട നമ്പര്‍ 0471 2732918