തിരുവനന്തപുരം:അന്തര്‍ദേശീയ ജൈവവൈവിധ്യ ദിനത്തോട് അനുബന്ധിച്ച് സംസ്ഥാന ജൈവവൈവിധ്യ ബോര്‍ഡ് ദേശീയ ഡിജിറ്റല്‍ ഫോട്ടോഗ്രഫി മത്സരം സംഘടിപ്പിക്കുന്നു. വിജയികള്‍ക്കു ക്യാഷ് അവാര്‍ഡും സര്‍ട്ടിഫിക്കറ്റും ലഭിക്കും. മെയ് 22 ന് സമ്മാനവിതരണം നടത്തും. രണ്ട് വിഭാഗങ്ങളിലായാണ് മത്സരം നടത്തുന്നത്. 10 മുതല്‍ 18 വരെയുളളവരുടെ വിഭാഗവും 18 വയസിനുമേല്‍ പ്രായമായവരുടെ വിഭാഗവും. ആദ്യ വിഭാഗത്തിന് ഹരിത ഭൂമി രണ്ടാം വിഭാഗത്തിന് ജൈവ വൈവിധ്യവും സുസ്ഥിര ജീവസന്ധാരണവും ഇവയാണ് വിഷയം.

ഒന്നു മുതല്‍ അഞ്ച് MB വരെയുളള ഒറിജിനല്‍ JPG ഫോര്‍മാറ്റിലുളള ഫോട്ടോകള്‍ മാത്രമേ മത്സരത്തിനു പരിഗണിക്കുകയുളളു. എന്‍ട്രി ഫോറം www.keralabiodiverstiy.org ല്‍ ലഭിക്കും. പൂരിപ്പിച്ച അപേക്ഷയും, ഫോട്ടോയും greenimages2016@gmail.com എന്ന ഇമെയില്‍ വിലാസത്തില്‍ മെയ് 15 ന് അഞ്ച് മണിക്ക് മുമ്പായി ലഭിക്കണം.