തിരുവനന്തപുരം:2010 ൽ ബ്രോഡ്‌ഗേജിനുവേണ്ടി നിർത്തലാക്കിയ പുനലൂർ-ചെങ്കോട്ട മീറ്റർഗേജ് തീവണ്ടി മ്യുസിയം കെ സി എസ് പണിക്കർ ആര്ട്ട്ഗ്യാല്ലറിയിൽ നിശ്ചല ചിത്രങ്ങളായി ഓടുന്നുണ്ട്.  കാഴ്ചക്കാരെ കവാടത്തിൽ സ്വാഗതം ചെയ്യുന്ന വലിയ എഞ്ചിൻ ചിത്രം കണ്ടു അകത്തു  കടക്കുമ്പോൾ കേൾക്കുന്ന തീവണ്ടി ശബ്ദത്തെ കൂട്ടുപിടിച്ച്   ഹാൾ നിറയുന്ന 80 ലധികം നിശ്ചല ചിത്രങ്ങൾ  കണ്ടിറങ്ങുമ്പോൾ ഒരു മീറ്റർഗേജ് യാത്രാനുഭവമാകും ഉണ്ടാവുക.
തീവണ്ടിയും-പ്രകൃതിയും-ജീവിതവും പരസ്പര ബന്ധിതമായ ഗതകാല സ്മരണകളുടെ ചിത്രങ്ങൾക്കായി ക്യാമറ തുറന്നുവച്ച ഫോട്ടോ ജേർണലിസ്റ്റായ ശിവജികുമാറിന്റെ ആദ്യ  പ്രദര്ശനമാണിത്.  23 വര്ഷമായി ഫോട്ടോ ഗ്രാഫി രംഗത്തുള്ള ശിവജി മീറ്റർ ഗേജ് തീവണ്ടിയിൽ നിന്ന് പ്രകൃതിയെ ക്ലിക്ക് ചെയ്തപ്പോൾ ഒരു പ്രദര്ശനത്തിന്റെ ചിന്തയെ അന്നില്ലായിരുന്നു.  പുനലൂർ-ചെങ്കോട്ട മീറ്റർഗേജ് തീവണ്ടി നിര്ത്തലാക്കാൻ പോകുന്നു എന്ന വാർത്ത‍ കേട്ടതാണ്  ശിവജിയിലെ ജേർണലിസ്റ്റിനെ ഉണര്ത്തിയതും നൂറ്റാണ്ടു പഴക്കമുള്ള തീവണ്ടിയെ പിന്തുടർന്ന് ചിത്രങ്ങൾ പകർത്തിയതും.