വിഷ്വല്‍ ഡ്രീംസ് മീഡിയ നിര്‍മിച്ച് ഓഫ്‌നിക് റോയിറ്റ സംവിധാനം ചെയ്ത
'തിരുവോണ ശലഭങ്ങള്‍' എന്ന മ്യൂസിക്കല്‍ ആല്‍ബത്തിന്റെ പ്രകാശനം  അങ്കമാലി കാര്‍ണിവല്‍ സിനിമാസില്‍ നടന്ന ചടങ്ങില്‍  ഗായകനും നടനുമായ പ്രദീപ് പള്ളുരുത്തി  നിര്‍വഹിച്ചു. ആല്‍ബത്തിലെ നായകന്‍ സാബു കൃഷ്ണ, നായിക ക്രിസ്റ്റി ബിന്നെറ്റ്, ഗാനരചയിതാവ് ശര്‍മ്മാജി, സംഗീത സംവിധായകനും ഗായകനുമായ മുരളീകൃഷ്, പി ആര്‍ ഒ റഹിം പനവൂര്‍, കലാസംവിധായകന്‍ സണ്ണി അങ്കമാലി, മാധ്യമ പ്രവര്‍ത്തകരായ ബിജീഷ് കോതമംഗലം, സെബാസ്റ്റ്യന്‍, ചലച്ചിത്ര താരങ്ങളായ നിഷാദ് കല്ലിങ്ങല്‍, വിജയന്‍ കോടനാട്, ഗായകന്‍ ഫ്രാന്‍സിസ് അങ്കമാലി, മലപ്പുറം ഇക്ര സോഫ്റ്റ് സ്‌കില്‍ അക്കാദമി  മാനേജിംഗ് ഡയറക്ടര്‍ ഷംസു മലില്‍ തുടങ്ങിയവര്‍ സംസാരിച്ചു. ആല്‍ബത്തിന്റെ പ്രദര്‍ശനവും നടന്നു. പ്രദീപ് പള്ളുരുത്തിക്കും ആല്‍ബത്തിലെ താരങ്ങള്‍ക്കും അണിയറ പ്രവര്‍ത്തകര്‍ക്കും ചടങ്ങില്‍ ഉപഹാരം നല്‍കി.കലാഭവന്‍ രാഗേഷ്, സാബുകൃഷ്ണ, പ്രസാദ് ഒളോപ്പിള്ളി എന്നിവര്‍ ശബ്ദാനുകരണവും  ഫ്രാന്‍സിസ് അങ്കമാലി, ഫെബിന്‍ പൗലോസ് എന്നിവര്‍  ഗാനാലാപനവും നടത്തി.  പ്രണയത്തിന്റെയും ഓണത്തിന്റെയും പശ്ചാത്തലത്തിലുള്ളതാണ്  ആല്‍ബം.