തിരുവനന്തപുരം:ടൂറിസം വകുപ്പ് നടത്തുന്ന ഓണാഘോഷത്തിന്റെ ഭാഗമായി ആഗസ്റ്റ് 26 ന് വഴുതക്കാട് സര്‍ക്കാര്‍ വനിതാ കോളേജ് ഓഡിറ്റോറിയത്തില്‍ അത്തപ്പൂക്കള മത്സരം സംഘടിപ്പിക്കുന്നു.

ആദ്യത്തെ മൂന്ന് വിജയികള്‍ക്ക് മെമന്റോയും യഥാക്രമം ഇരുപത്തയ്യായിരം, പതിനയ്യായിരം, പതിനായിരം രൂപ ക്യാഷ് െ്രെപസും നല്‍കും. മികച്ച രീതിയില്‍ പങ്കെടുക്കുന്ന എല്ലാ ടീമുകള്‍ക്കും പ്രോത്സാഹന സമ്മാനമായി രണ്ടായിരം രൂപ വീതം നല്‍കും. കൂടാതെ മാധ്യമസ്ഥാപനങ്ങള്‍ക്കും മെമന്റോയും ഇരുപത്തയ്യായിരം, പതിനയ്യായിരം, പതിനായിരം രൂപ ക്യാഷ്പ്രൈസും  പ്രോത്സാഹന സമ്മാനമായി രണ്ടായിരം രൂപവീതവും നല്‍കും.

കലാസാംസ്‌കാരിക സംഘടനകള്‍, വായനശാലകള്‍, ക്ലബ്ബുകള്‍, റസിഡന്റ്‌സ് അസോസിയേഷനുകള്‍, വിദ്യാലയങ്ങള്‍/കലാലയങ്ങള്‍, കുടുംബശ്രീ യൂണിറ്റുകള്‍, ഇതര സര്‍ക്കാര്‍ റിക്രിയേഷന്‍ ക്ലബ്ബുകള്‍ തുടങ്ങിയ സംഘടനകള്‍ക്ക് മത്സരത്തില്‍ പങ്കെടുക്കാം. താത്പര്യമുള്ളവര്‍ ആഗസ്റ്റ് മൂന്ന് മുതല്‍ 13 വരെ തീയതികളില്‍ മ്യൂസിയത്തിന് എതിര്‍വശത്തുള്ള ടൂറിസം വകുപ്പ് ഓഫീസില്‍ പേര് രജിസ്റ്റര്‍ ചെയ്യണം. ഫോണ്‍ : 0471  2560426, 9895240484, 9447750687.