തിരുവനന്തപുരം:കേരളത്തിലെ അംഗീകൃത സര്‍വകലാശാലകളിലോ വിദ്യാഭ്യാസ സ്ഥാപനങ്ങളിലോ പി.ജി. കോഴ്‌സിന് 201516 അധ്യയനവര്‍ഷത്തില്‍ ആദ്യവര്‍ഷം പ്രവേശനം ലഭിച്ച വിമുക്തഭടന്‍മാരുടെ മക്കള്‍ക്ക് ബ്രൈറ്റ് സ്റ്റഡന്റ് സ്‌കോളര്‍ഷിപ്പിന് അപേക്ഷ ക്ഷണിച്ചു. കഴിഞ്ഞ അധ്യയനവര്‍ഷ പരീക്ഷയില്‍ ആകെ 50 ശതമാനമോ അതില്‍കൂടുതലോ മാര്‍ക്ക് ലഭിച്ചവര്‍ക്ക് അപേക്ഷിക്കാം. വാര്‍ഷികവരുമാനം രണ്ട് ലക്ഷം രൂപയില്‍ താഴെ ആയിരിക്കണം. പൂരിപ്പിച്ച അപേക്ഷകള്‍ അനുബന്ധ രേഖകളോടൊപ്പം 2016 ജനുവരി 20 നകം തിരുവനന്തപുരം ജില്ലാ സൈനിക ക്ഷേമ ഓഫീസില്‍ ലഭിക്കണം.