ന്യൂഡല്‍ഹി: മന്ത്രിസ്ഥാനം സംബന്ധിച്ച് എന്‍സിപിയില്‍ തീരുമാനമായി. രണ്ടര വര്‍ഷം വീതം രണ്ട് എംഎല്‍എമാര്‍ക്കും മന്ത്രിസ്ഥാനം നല്‍കാനാണ് എന്‍സിപി കേന്ദ്രനേതൃത്വത്തിന്റെ തീരുമാനം. ആദ്യ രണ്ടര വര്‍ഷം എ.കെ. ശശീന്ദ്രനും അടുത്ത രണ്ടര വര്‍ഷം തോമസ് ചാണ്ടിയും മന്ത്രിസ്ഥാനം വഹിക്കും.

സംസ്ഥാന സമിതിയില്‍ തര്‍ക്കം രൂക്ഷമായതിനെത്തുടര്‍ന്ന് തീരുമാനം എന്‍സിപി അധ്യക്ഷന്‍ ശരത് പവാറിനു വിട്ടിരുന്നു.  ഇതുസംബന്ധിച്ച പവാറിന്റെ തീരുമാനം സംസ്ഥാന നേതൃത്വത്തെ അറിയിച്ചിട്ടുണ്ട്. ചൊവ്വാഴ്ച അന്തിമ പ്രഖ്യാപനമുണ്ടകുമെന്നാണു കരുതപ്പെടുന്നത്.