ഡെറാഡൂണ്‍: ഉത്തരാഖണ്ഡില്‍ ബിജെപി എംഎല്‍എ കാല്‍ തല്ലിയൊടിച്ച ശക്തിമാന്‍ എന്ന കുതിര ചത്തു. പരിക്കേറ്റ കാൽ കാല്‍ മുറിച്ചുമാറ്റി പകരം കൃത്രിമക്കാല്‍ വച്ചുപിടിപ്പിച്ചെങ്കിലും അതിനോട് കുതിരയുടെ ശരീരം പ്രതികരിച്ചിരുന്നില്ല. തന്മൂലം മുറിവിൽ അണുബാധ ഉണ്ടായതാണ് മരണ കാരണം.

മാര്‍ച്ച് 14 ന്  മുസൂറി എംഎല്‍എ ഗണേഷ് ജോഷിയും സംഘവുമാണ് മുഖ്യമന്ത്രിക്കെതിരേ നടന്ന പ്രക്ഷോഭം നിയന്ത്രിക്കാനെത്തിയ അശ്വാരൂഢ സേനയിലെ അംഗമായ ശക്തിമാന്റെ കാല്‍ തല്ലിയൊടിച്ചത്.