വുള്‍ഫ്‌സ്ബര്‍ഗ്: ബാഴ്‌സലോണയെ അവരുടെ തട്ടകത്തില്‍ പരാജയപ്പെടുത്തിയ സ്പാനിഷ് ക്ലബ് റയൽ മാഡ്രിഡിന് ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലിൽ 2-0ന്റെ തോൽവി.   ആദ്യപാദത്തില്‍ റയല്‍ മാഡ്രിഡിനെ ഏകപക്ഷീയമായ രണ്ടു ഗോളിനാണ്  ജര്‍മന്‍ ക്ലബ് വുള്‍ഫ്‌സ്ബര്‍ഗ് അവരുടെ തട്ടകത്തിൽ വച്ച് തോല്പിച്ചത്. 

റിക്കാര്‍ഡോ റോഡ്രിഗ്വെസിലൂടെ 18-ാം മിനിറ്റിലാണ് ജര്‍മന്‍ ക്ലബ് വുള്‍ഫ്‌സ്ബര്‍ഗ് മുന്നിലെത്തിയത്. റയല്‍ താരം കാര്‍ലോസ് ഹെന്‍ട്രികിന്റെ ഫൗളിന് ലഭിച്ച പെനാല്‍റ്റി പിഴവ് കൂടാതെ റോഡ്രിഗ്വെസ് ഗോളാക്കി മാറ്റുകയായിരുന്നു. 25-ാം മാക്‌സി മില്യന്‍ അര്‍ണോള്‍ഡിലൂടെ വുള്‍ഫ്‌സ്ബര്‍ഗ് ലീഡ് ഉയര്‍ത്തി.

സൂപ്പര്‍ താരങ്ങളായ റൊണാള്‍ഡോയും കരീം ബന്‍സേമയും അവസരങ്ങള്‍ പാഴാക്കിയതാണ് റയലിന് തിരിച്ചടിയായത്.