തിരുവനന്തപുരം: സംവിധായകന്‍ രാജസേനനും നടന്‍ കൊല്ലം തുളസിയും ബി.ജെ.പി സ്ഥാനാര്‍ഥികളാകും. രാജസേനന്‍ നെടുമങ്ങാടും കൊല്ലം തുളസി കുണ്ടറയിലുമാണ് മത്സരിക്കുന്നത്. 

ബി.ജെ.പി തിരുവനന്തപുരം മുന്‍ ജില്ലാ പ്രസിഡന്റ് കരമന ജയന്‍ പുഞ്ചക്കരി സുരേന്ദ്രനും സ്ഥാനാര്‍ഥിപ്പട്ടികയില്‍ ഇടം നേടിയിട്ടുണ്ട്. പാറശാല, നെയ്യാറ്റിന്‍കര എന്നിവിടങ്ങളില്‍ നിന്നാണ് ഇരുവരും മത്സരിക്കുന്നത്.  സുരേഷ് ഗോപിയും മുന്‍ ക്രിക്കറ്റ് താരം ശ്രീശാന്തും മത്സരിക്കുമെന്നാണ് വിവരം. എന്നാല്‍, ഇക്കാര്യത്തില്‍ തീരുമാനമായിട്ടില്ല.

23 ന് നടക്കുന്ന ബി.ജെ.പിയുടെ സംസ്ഥാന ഇലക്ഷന്‍ സമിതി യോഗത്തില്‍ അന്തിമ തീരുമാനമെടുക്കും. 25 ന് നടക്കുന്ന കേന്ദ്ര തിരഞ്ഞെടുപ്പ് സമിതി യോഗത്തില്‍ അന്തിമ സ്ഥാനാര്‍ഥി പട്ടികയുമായി ബന്ധപ്പെട്ട ചര്‍ച്ച നടക്കും.