കോഴിക്കോട്:  ഏഷ്യാനെറ്റ് മാധ്യമപ്രവര്‍ത്തകര്‍ക്കു മര്‍ദനം. കോഴിക്കോട് മുതലക്കുളം മൈതാനിയില്‍ പിണറായി വിജയന്‍ പങ്കെടുത്ത പരിപാടി റിപ്പോര്‍ട്ട് ചെയ്യാനെത്തിയ ഏഷ്യാനെറ്റ് കോഴിക്കോട് റിപ്പോര്‍ട്ടര്‍ അനുമോദ്, കാമറാമാന്‍ അരവിന്ദ് എന്നിവര്‍ക്കാണു മര്‍ദനമേറ്റത്. സാരമായി പരിക്കേറ്റ ഇവരെ കോഴിക്കോട് ബീച്ച് ആശുപത്രിയില്‍ പ്രവേശിപ്പിച്ചു.   പിണറായി വിജയന്റെ പ്രസംഗം കേള്‍ക്കാനെത്തിയവരെ പകര്‍ത്തുന്നതിനിടെയായിരുന്നു ആക്രമണം. കാമറ തകര്‍ക്കാനും ശ്രമമുണ്ടായി.

സിപിഎം പ്രവര്‍ത്തകരാണ് ആക്രമണത്തിനു പിന്നിലെന്നു മര്‍ദനമേറ്റവര്‍ ആരോപിച്ചു.