തിരുവനന്തപുരം: നടി കെപിഎസി ലളിത നിയമസഭാ തെരഞ്ഞെടുപ്പില്‍ സിപിഎം സ്ഥാനാര്‍ഥിയാകുമെന്നു റിപ്പോര്‍ട്ട്. തൃശൂര്‍ ജില്ലയിലെ ഏതെങ്കിലുമൊരു മണ്ഡലത്തില്‍ കെപിഎസി ലളിതയെ മത്സരിപ്പിക്കാനാണു പാര്‍ട്ടിയുടെ നീക്കം. ഇക്കാര്യത്തില്‍ സിപിഎം സംസ്ഥാന കമ്മിറ്റിയില്‍ ഏകദേശ ധാരണയായതായും സൂചനയുണ്ട്.

കെപിഎസി നാടകങ്ങളിലെ മികച്ച അഭിനയത്തിലൂടെ ചലച്ചിത്രരംഗത്ത് എത്തിയ ലളിത മികച്ച സഹനടിക്കുള്ള ദേശീയപുരസ്‌കാരം ഉള്‍പ്പെടെ നിരവധി അംഗീകാരങ്ങള്‍ നേടിയിട്ടുള്ള നടിയാണു.