ന്യൂഡല്‍ഹി:  ട്വന്റി 20 ലോകകപ്പിനായി പാക്കിസ്ഥാന്‍ ക്രിക്കറ്റ് ടീം ഇന്ന് ഇന്ത്യയിലെത്തുമെന്ന് ഉറപ്പായി. ബംഗാള്‍ ക്രിക്കറ്റ് അസോസിയേഷന് ഇതു സംബന്ധിച്ച് അറിയിപ്പ് ലഭിച്ചതായി പ്രസിഡന്റ് സൗരവ് ഗാംഗുലി അറിയിച്ചതായാണ് റിപ്പോര്‍ട്ടുകള്‍. വെള്ളിയാഴ്ച ഉച്ചയ്ക്കുശേഷം പാക് ടീം ഇന്ത്യയിലെത്തുമെന്നാണ് സൂചന.

ദുബായിയില്‍ നിന്നാണ് ഷാഹിദ് അഫ്രീദിയുടെ നേതൃത്വത്തിലുള്ള ടീം ഇന്ത്യയിലെത്തുക. നേരത്തെ, പാക്കിസ്ഥാന്‍ ടീം വ്യാഴാഴ്ച എത്തുമെന്നായിരുന്നു അറിയിച്ചിരുന്നത്.  ടീമിന്റെ സുരക്ഷയെ സംബന്ധിച്ച് ഇന്ത്യ ഉറപ്പ് എഴുതി നല്‍കണമെന്നായിരുന്നു നേരത്തെ പാക് നിലപാട്.