ഡല്‍ഹി: ഗ്രേറ്റർ  നോയ്ഡയിലെ ബിശ്രഖ് ഗ്രാമത്തില്‍16 വയസുകാരിയെ മാനഭംഗപ്പെടുത്തിയ ശേഷം തീ കൊളുത്തി കൊലപ്പെടുത്താന്‍ ശ്രമം.  തിങ്കളാഴ്ച പുലര്‍ച്ചെയാണ് സംഭവം. 60 ശതമാനനത്തിനു മുകളിൽ  പൊള്ളലേറ്റ പെണ്‍കുട്ടിയെ ഡല്‍ഹി സഫ്ദാര്‍ജംഗിലെ ആശുപത്രിയില്‍ പ്രവേശിപ്പിച്ചു.

സംഭവവുമായി ബന്ധപ്പെട്ടു സമീപവാസിയായ അജയ്  ശർമ(18) നെ പോലീസ് കസ്റ്റഡിയിലെടുത്തു.  ഇയാൾക്കെതിരെ ബലാത്സംഘംത്തിനും കൊലപാതകത്തിനും കേസെടുത്തു. ചോദ്യം ചെയ്യലിൽ പെണ്‍കുട്ടിയെ ഇയാള്‍ മുമ്പും  മാനസിക പീഡനത്തിനു ഇരയാക്കിയിട്ടുള്ളതായി പോലീസ് പറഞ്ഞു.

വീട്ടില്‍ തനിച്ചായിരുന്ന പെണ്‍കുട്ടിയെ യുവാവ് ഉപദ്രവിക്കുകയായിരുന്നു. ഇതിനുശേഷം പെണ്‍കുട്ടിയെ തീ കൊളുത്തിയ യുവാവ് ഓടി രക്ഷപ്പെട്ടു. നിലവിളി കേട്ട് ഓടിയെത്തിയ മാതാപിതാക്കള്‍ പെണ്‍കുട്ടിയെ ആശുപത്രിയില്‍ പ്രവേശിപ്പിക്കുകയായിരുന്നു.