ന്യൂയോര്‍ക്ക്: യുഎസ് ഓപ്പണ്‍ ടെന്നീസ് വനിതാ ഡബിള്‍സില്‍ ഇന്ത്യയുടെ സാനിയ മിര്‍സയും സ്വിസ് താരം മാര്‍ട്ടീന ഹിംഗിസും ചേര്‍ന്ന സഖ്യത്തിന് കിരീടം. ഫൈനലില്‍ കാസി ഡെല്ലാക്വയാരോസ്ലാവ്‌ന ഷ്വെഡോവ സഖ്യത്തെ 6-3, 6-3 എന്ന സ്‌കോറിന് നേരിട്ടുള്ള സെറ്റുകള്‍ക്ക് തോൽപ്പിച്ചാണ് സഖ്യം കിരീടം ചൂടിയത് . ഈ വര്‍ഷം വിമ്പിള്‍ഡണിലും ഇവര്‍ക്കായിരുന്നു കിരീടം.

യുഎസ് ഓപ്പണില്‍ ഹിംഗിസിന്റെ രണ്ടാം കിരീടമാണിത്. നേരത്തെ മികസ്ഡ് ഡബിള്‍സില്‍ ഇന്ത്യയുടെ ലിയാന്‍ഡര്‍ പേസിനൊപ്പം ഹിംഗിസ് കിരീടം ചൂടിയിരുന്നു. സാനിയയുടെ അഞ്ചാം ഗ്രാന്‍ഡ്സ്ലാം വിജയമാണിത്.