ബെംഗലൂരു: ഇന്ത്യയുടെ ചൊവ്വാ ദൗത്യ ഉപഗ്രഹമായ മംഗള്‍യായാൻ  അടുത്ത 15 ദിവസത്തേക്ക്  'ഓട്ടോണോമസ്' മോഡില്‍ സ്വയം നിയന്ത്രിക്കും.  നാളെ മുതല്‍ മംഗള്‍യാനും ഭൂമിയ്ക്കുമിടയില്‍ സൂര്യന്‍ വരുന്നതിനാല്‍ ഉപഗ്രഹവും ബെംഗലൂരുവിലെ കേന്ദ്രവും തമ്മിലുള്ള ബന്ധം നഷ്ടപ്പെടുന്നതിനാലാണിത്.

ജൂണ്‍ 22-നാകും പിന്നീട് മംഗള്‍യാനുമായുള്ള ബന്ധം പുന:സ്ഥാപിക്കാനാവുക.  അതുവരെ മംഗള്‍യാനില്‍ നിന്ന്  വിവരങ്ങളൊന്നും ലഭിക്കില്ല. 

ഏറ്റവും ചിലവ് കുറഞ്ഞ ചൊവ്വാ ദൗത്യമെന്ന നിലയില്‍ ഏറെ ശ്രദ്ധ പിടിച്ചുപറ്റിയ ഉപഗ്രഹമാണ്‌ ഇന്ത്യയുടെ മംഗള്‍യാന്‍. വിക്ഷേപണത്തിന് ശേഷം ആദ്യമായാണ് ഉപഗ്രഹവുമായുള്ള ബന്ധം ഇത്ര നീണ്ട കാലത്തേക്ക് നഷ്ടമാകുന്നത്. 

എന്നാല്‍ ബ്ലാക്കൗട്ടില്‍ ആശങ്കപ്പെടാനില്ലെന്ന് ഐഎസ്ആര്‍ഒ അറിയിച്ചു.