തിരുവനന്തപുരം:ചട്ടമ്പിസ്വാമിയുടെ 164 മത് ജയന്തി ആഘോഷങ്ങൾക്ക്  ആറ്റുകാൽ ശ്രീ ചട്ടമ്പിസ്വാമി സ്മാരകത്തിൽ തുടക്കമായി. ഭരണപരിഷ്കാര കമ്മീഷൻ à´…à´‚à´—à´‚ സി പി നായർ വൈകുന്നേരം നടന്ന പൊതുസമ്മേളനത്തിൽ ദ്വിദിന ആഘോഷങ്ങളുടെ ഉദ്ഘാടനം നിർവഹിച്ചു. ഡോ. എഴുമറ്റൂർ രാജരാജവർമ്മ മുഖ്യപ്രഭാഷണം നടത്തി.  ഡോ. സുധീർ കിടങ്ങൂരിന് ഹേമലതസ്മാരക ചട്ടമ്പിസ്വാമിപുരസ്‌കാരം വി അയ്യപ്പൻ നായർ (ട്രെഷറർ ,ആറ്റുകാൽ ഭഗവതി ക്ഷേത്ര ട്രസ്റ്റ്)സമർപ്പിച്ചു. ക്വിസ് മത്സര വിജയികൾക്കുള്ള സമ്മാനദാനം ശിശുപാലൻ നായർ (ക്ഷേത്ര ട്രസ്റ്റ് സെക്രട്ടറി) നിർവഹിച്ചു. ക്ഷേത്ര ട്രസ്റ്റ് ചെയർമാൻ ആർ രവീന്ദ്രൻ നായർ അധ്യക്ഷം  വഹിച്ച ചടങ്ങിൽ കൗൺസിലർ ആർ സി ബീന മറ്റു ക്ഷേത്ര ട്രസ്റ്റ് ഭാരവാഹികളും സംസാരിച്ചു. നാളെ (11)  ചട്ടമ്പിസ്വാമിയുടെ ജന്മസ്ഥലമായ കണ്ണമ്മൂലയിലെ കൊല്ലൂരിലേക്ക് രഥഘോഷയാത്രയുണ്ടാകും. ക്ഷേത്ര സന്നിധിയിൽ നിന്നു രാവിലെ 9  ന് പുറപ്പെടും. തുടർന്ന് നടക്കുന്ന മറ്റു കലാപരിപാടികൾക്ക് ശേഷം ആഘോഷങ്ങൾക്ക് സമാപനമാകും. രാവിലെ ക്ഷേത്ര ട്രസ്റ്റ് ചെയർമാൻ ആർ രവീന്ദ്രൻ നായർ ജയന്തി ആഘോഷങ്ങളുടെ പതാക ഉയർത്തി.