തിരുവനന്തപുരം:ഭക്ഷ്യവസ്തുക്കളില്‍ രുചിവര്‍ധിപ്പിക്കുന്നതിനും മറ്റുമായി രാസപദാര്‍ത്ഥങ്ങള്‍ അമിതമായി ഉപയോഗിക്കുന്നതു തടയാന്‍ ഓപ്പറേഷന്‍ രുചിയുടെ ഭാഗമായി സംസ്ഥാനത്തെ ബേക്കറികള്‍, ഹോട്ടലുകള്‍, റസ്റ്ററന്റുകള്‍ എന്നിവയുള്‍പ്പെടെയുള്ള ഭക്ഷണശാലകളില്‍ റെയ്ഡുകള്‍ ശക്തമാക്കുമെന്ന് ആരോഗ്യമന്ത്രി വി.എസ്. ശിവകുമാര്‍ അറിയിച്ചു.

ഭക്ഷ്യവസ്തുക്കള്‍ വില്‍ക്കുന്ന മുഴുവന്‍ സ്ഥാപനങ്ങള്‍ക്കും ഭക്ഷ്യസുരക്ഷാലൈസന്‍സോ രജിസ്‌ട്രേഷനോ നിര്‍ബന്ധമാക്കുന്നതിന്റെ ഭാഗമായി സ്‌ക്വാഡ് പ്രവര്‍ത്തനം വ്യാപകമാക്കുമെന്നും മന്ത്രി പറഞ്ഞു. മന്ത്രിയുടെ ഓഫീസില്‍ ചേര്‍ന്ന ഭക്ഷ്യസുരക്ഷാ അവലോകനയോഗത്തിനുശേഷമാണ് അദ്ദേഹം  ഇക്കാര്യം അറിയിച്ചത്.