തിരുവനന്തപുരം:ശ്രീ പത്മനാഭസ്വാമി ക്ഷേത്രം ചരിത്രരേഖകളിലൂടെ പുസ്തകം പ്രകാശനം ചെയ്തു.  ഉമാ മഹേശ്വരി രചിച്ച പുസ്തകം രാജസ്ഥാനിയൻ ശ്രീമൂലം തിരുനാൾ രാമവർമ ജെ ലളിതാംബിക ഐഎഎസിനു നൽകി പ്രകാശനം നിർവഹിച്ചു. ശ്രീ ഉത്രാടം തിരുനാൾ മാർത്താണ്ഡവർമ ലിറ്റററി ആൻഡ് ചാരിറ്റബിൾ ട്രസ്റ്റാണ് പ്രസാധകർ.  30 ലക്ഷം മതിലകം രേഖകൾ ആധാരമാക്കി ഉമാ മഹേശ്വരി രചിച്ച പുസ്തകം ശ്രീ പത്മനാഭസ്വാമി ക്ഷേത്രത്തെക്കുറിച്ച് അറിയേണ്ടതെല്ലാം ഉൾക്കൊള്ളിച്ചിട്ടുണ്ട്.  ഉമാ മഹേശ്വരിയുടെ ആറാമത് പുസ്തകവും ട്രസ്റ്റിന്റെ രണ്ടാമത് പുസ്തക പ്രകാശന ചടങ്ങാണ് കോട്ടയ്ക്കകം ലെവി ഹാളിൽ നടന്നത്. ആർപി രാജ അധ്യക്ഷം വഹിച്ചു മധുസൂദനകൃഷ്ണ അയ്യർ, അഡ്വ.അയ്യപ്പൻ പിള്ള, പ്രസാദ്, പ്രതാപ് കിഴക്കേമഠം എന്നിവർ ആശംസാ പ്രസംഗം നടത്തി.