ന്യൂഡല്‍ഹി:പ്രശസ്ത കവി പ്രഭാവര്‍മയ്ക്ക് 2016 ലെ കേന്ദ്രസാഹിത്യ അക്കാദമി അവാര്‍ഡ്. ശ്യാമമാധവം എന്ന കൃതിക്കാണ് പുരസ്‌ക്കാരം. ഡല്‍ഹിയില്‍ ചേര്‍ന്ന സാഹിത്യ അക്കാദമിയുടെ വാര്‍ഷിക യോഗമാണ് പുരസ്‌ക്കാരത്തിനായി കൃതി തെരഞ്ഞെടുത്തത്. നിലവില്‍ മുഖ്യമന്ത്രി പിണറായി വിജയന്റെ മാധ്യമ ഉപദേഷ്ടാവാണ് പ്രഭാവര്‍മ.

സ്വര്‍ഗ്ഗാരോഹണത്തിനു തൊട്ടുമുമ്പുള്ള നിമിഷങ്ങളില്‍ കൃഷ്ണമനസ്സിലൂടെ കടന്നു പോയ പോയകാല ജീവിത ചിത്രങ്ങള്‍ പ്രമേയമാക്കിയ കൃതിയാണ് ശ്യാമമാധവം. വയലാര്‍ അവാര്‍ഡ് ഉള്‍പെടെ നിരവധി പുരസ്‌ക്കാരങ്ങള്‍ ശ്യാമമാധവത്തിന് ലഭിച്ചിട്ടുണ്ട്.