തിരു: കേരള സംസ്ഥാന ചലച്ചിത്ര അക്കാദമി തിരുവനന്തപുരത്ത് ഹൈസ്‌കൂള്‍ വിദ്യാര്‍ഥികള്‍ക്കായി അഞ്ചു ദിവസത്തെ ചലച്ചിത്രാസ്വാദന റസിഡന്‍ഷ്യല്‍ ക്യാമ്പ് സംഘടിപ്പിക്കും. അഭിനയം, തിരക്കഥ, സംവിധാനം, ഫോട്ടോഗ്രാഫി തുടങ്ങിയ വിഷയങ്ങളില്‍ ക്ലാസുകളും സാങ്കേതിക വിദഗ്ധരുമായി സംവേദിക്കുകയും ചെയ്യുന്ന രീതിയിലാണ് ക്യാമ്പ് വിഭാവനം ചെയ്തിരിക്കുന്നത്. ഏപ്രില്‍ 25 മുതല്‍ 29 വരെയാണ് ക്യാമ്പ്. താത്പര്യമുള്ള വിദ്യാര്‍ഥികള്‍ പൂരിപ്പിച്ച അപേക്ഷയോടൊപ്പം 100 രൂപയുടെ ഡി ഡി യും ബയോഡേറ്റയും സെക്രട്ടറി, കേരള സംസ്ഥാന ചലച്ചിത്ര അക്കാദമി, തിരുവനന്തപുരം എന്ന വിലാസത്തില്‍ ഏപ്രില്‍ 15 നകം സമര്‍പ്പിക്കണം.

അപേക്ഷകര്‍ ബയോഡേറ്റയോടൊപ്പം അഭിനയം/തിരക്കഥസംവിധാനം/ഫോട്ടോഗ്രാഫി എന്നീ മേഖലയില്‍ പ്രാവീണ്യം തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പോ അല്ലെങ്കില്‍ ഇഷ്ടപ്പെട്ട സിനിമയെക്കുറിച്ച് രണ്ട് പുറത്തില്‍ കവിയാത്ത കുറിപ്പോ അപേക്ഷയോടൊപ്പം ഉള്ളടക്കം ചെയ്യണം. അപേക്ഷഫോറം  അക്കാദമി വെബ്‌സൈറ്റിലും, അക്കാദമിയടെു ഓഫീസിലും ജില്ലാ ഇന്‍ഫര്‍മേഷന്‍ സെന്ററുകളിലും ലഭ്യമാണ്. വിശദ വിവരങ്ങള്‍ 04712310323, 2312214, 8281207927 എന്നീ നമ്പരുകളില്‍ ലഭിക്കും.